كيف تعرف الشخص الفلسطيني من بين سكان العالم ؟؟؟

السلام عليكم
هذا الموضوع لمجرد المرح وغير صحيح

كيف تعرف الشخص الفلسطيني من بين سكان العالم ؟؟؟
* بيفهم في الطب وبيشخص المرض وبيوصفلك الدوا وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .

* بيحط"يضع" الريموت كونترول في كيس نايلون حتى ما يتغبر ولا يضيع.

* بس يقعد يتفرج على التلفزيون بيضل ينقل من محطة لمحطة كل دقيقة.

* بيوقف يتكلم على الباب نص ساعة بعد إنتهاء الزيارة والسلام.

* في خزانة المطبخ عنده عشرين مرطبان"وعاء زجاجي" مربى فاضي منشان اذا احتاج يستخدمها ومازال مُصِر على جمع المزيد.

* ييجي بعد الموعد بساعة وربع دون ان يعتذر.

* يتكلم بصوت عالي في المكالمة الدولية منشان التاني يسمعه.

* بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.

* بيحتفظ بأكياس محلات اللبس والأحذية وورق الهدايا تحت فرشة التخت لسنوات (يا عمي مين بلش بها العادة)؟

* عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.

* بيشتري قبل الإفطار في رمضان مواد استهلاكية متوفرة عنده في البيت.

* عنده منقل شوي للرحلات يستخدمه مرة واحدة كل عيد.

* بيتخانق ساعة دفع الحساب بحرارة شديدة على إنه هو اللي لازم يدفع.

* بيفرش شرشف التخت على طقم الكنبايات منشان الكنباية ما تتوسخ، ولما يجوا الضيوف يترك الشرشف وما بشيله.

* بيطفي سيجارتو بفنجان القهوة مع انو في متكة على الطاولة

* دائما يعيش ضمن الحلم ولا يقبل بان يخرج مما يحلم.

* اكثر واحد عنده كرامه في العالم.

هذا الموضوع لمجرد المرح وانه صحيح

وأكثر واحد عنده كرامه في العالم ^^ الفلسطيني ^^

يسلمو عبودي علي هالموضوع الرائع جدا

تقبل مروري

ههههههههه
موضوعك حلو كتيرومرح
بس هو صحيح.ويسلموا
تقبل مروري

» كيف تعرف أن الشخص كاذب أم صادق ؟؟؟!!!.....
» الطابون الفلسطيني .. هوية وطن ...
» الضمير الفلسطيني ....هل باقي حتى الان
» فياض:لا انتخابات من دون مشاركة كبيرة وفعالة للشعب الفلسطيني
» غزة على موعد مع الثورة 15 اذار ... هل ينجح الشعب الفلسطيني في تغيير واقعه ...!!!